ESO

Impartimos clases de apoio ao alumnado de ESO en todas as asignaturas: matemáticas, física, linguas, ciencias sociais e naturais, inglés…

Limitamos o número de alumnos por aula segundo o nivel de dificultade e atención necesario, habendo como máximo 8 persoas nas clases da primaria e 1º e 2º da ESO. En 3º e 4º da ESO e en bacharelato admitimos como máximo 7 alumnos nas asignaturas de ciencias (matemáticas, física, química, bioloxía…) e 6 nas asignaturas de letras (idiomas, historia, arte, filosofía, literatura…).   

Usamos métodos didácticos destinados a que o alumnado adquira os métodos de traballo necesarios para avanzar nos seus estudos de forma autónoma e eficiente.  Non lles axudamos só a facer os deberes, senón que os orientamos na maneira correcta de buscar e ordear a información que lles dan en clase  para que así vaian adquirindo, pouco a pouco, hábitos de estudo que multiplicarán o seu rendemento.